هل تتــــــغير وجـــــهات النـــظر؟

توتا500 كتب:موضوعك مثير جدا يادموع
وبعدين ربنا قبل التوبه من عبده ازاى احنا البشر مانقبالهاش
اكيد لانسان التائب ده انا هنظرله نظره احترام وتقدير
ولو الشاب ده اتقدم ليه او لاختى اكيد هنوافق بس اهم حاجه انها تكون توبه صادقه
وبعدين لو هى بنت وتابت انا بصراحه مش مع راى لاخ فوكس
ازاى تبقى هى انسانه تائبه وتحررت من الى كانت بتعمله سابقا واحنا نفضل نعاملها على انها طول عمرها مذنبه اين العفو والمغفره
وصدقينى يا دموع مدام هى توبتها صادقه اكيد ربنا هيرزقها بزوج يعنيها على لاستمرار فى هذه التوبه
ومن ترك شىء فى سبيل الله عوضه الله خيرا منها ومش معقول هى تسيب كل الى كانت بتعمله علشان تقرب من ربنا وربنا يخزلها اكيد ربنا هيعوضها كل خير

التهامى كتب:

السلام عليكم ورحمه الله وبركاته


موضوع جميل جدا يادموع

اكيد اى انسان تائب الى الله وراجع له بعد معاصى وزنوب كثيره ده يبقى انسان رائع لانه قدر يرمى كل المعاصى دى وراه ويتجه الى الله سبحانه وتعالى ويرجع عن كل هذه الافعال ويتوب
دا اكيد لازم نحترمه جدا

ولكن ناتى الى النقطه الخطيره
وهى لو اتقدم عشان يخطب او هاتخطب

هى دى المشكله بجد احنا ياجماعه اتناقشنا كتير فى حكايه ان احنا فى مجتمع شرقى يعنى محكوم بعادات وتقاليد شرقيه احنا نفسنا منقدرش نغيرها لان ده يبقى غلط عند الكل
فلما نقول شاب عائد الى الله وتائب عن كل الى عمله ده يعتبر رجل وهو فى نظرى ماهما يعمل ويرجع الى الله هو فى الاخر مفقدش شىء اما البنت بيتهيقلى هتفقد حجات كتير قوى وده الى انا بتكلم فيه

مش تقولوا انى بقول على الراجل كده ازاى والبنت كده
لا

زى ما قولت هى دى عاداتنا يعنى مش معقول انك تجيب بنت عملت وعملت وتيجى تقول هتجوزها معليش مش هينفع دا كفايه كلام الناس بس
وعلى فكره دى مش نظرتى انا بس انا بيتهيقلى هى نظره المجتمع الى احنا عايشين داخله

وانا معاك يافوكس فى الكلام بتاعك وبردو معاكى ياتوتا فى ان ربنا يرزقها بواحد ابن حلال

بس والله ان كان على هقول ياريت نرجع عن الغلط قبل ما نقع فيه وبعدين نقول يارتنا بعد كده


ا

crazylawer كتب:وبعدين ربنا قبل التوبه من عبده ازاى احنا البشر مانقبالهاش


انا هذكر نقطة تانيه خالص

طبعا انما الاعمل بالنيات والنيه يحاسب عليها ربنا سبحانه وتعالى يعنى الامر كله بين الانسان وعلاقته بربنا سبحانه وتعالى
الموضوع شائك جدا ممكن نذكر مثلا

الانسان او الانسانة ممكن تقنع نفسها انها اتغيرت وتقنع الناس اللى حوالها انها تتغير
وللاسف الوهم اللى بتعيش فيه بيعطهيها ثقة انها اتغيرت وهو لسه زى ما هو نو تغيير


طبعا الانسان اللى بيتوب ده شئ بينه وبين ربنا

موضوع انك ترتبط ببنت بقى كانت عايشة حياتها واتغيرت ساعتها بتفكر كويس جدا لانك بتفقد الثقة فيها وده اسوء شئ


يعنى الاخ فوكس بيقول انه هيفكر كويس ويقول كلام الناس

هقوله انا ياحوده

الصحابة رضى الله عنهم كانوا ايه قبل الاسلام وبعد الاسلام كانوا ايه

بس بقى خلتنا ندخل فى موضوع تانى بقى

محال ده بقى اخونا فى الاسلام او اختنا هنقول لا

يعنى مش خرج من الاسلام استغفر الله

بس الدنيا اخذته شوية


مغزى الموضوع النية ياجماعة والصدق فعلا

مش ابقى كنت مقضيها شلل فى الجامعة وحصل لى مشكلة اقوم اقنع نفسى انى اتغيرت بس لسه الشلل مستمرة
والنبى ده اسمه كلام هنتكلم عن تغيير ايه

اهلا كريزى ردك جميل ومعقول

وده اللى انا اقصده لو البنت فعلا كانت صادقة هيظهر

واكيد الناس هتصدقها

شكرا على مرورك الكريم

juba كتب:حلوة الدموع الصامته دى


ايه الاسئلة الغريبة دة
طبعا مش ارضى اتجوز واحدة متبرجة ومقضيها قبل كده اولاد اتجوزها بقى

واقابل اللى كانت مهببه معاه اقوله اتفضل تيجى تشرب شاى بالذمة مش حاجة تحرق الدم

اللى تكلم وتهبب مع شباب هتفضل طول عمرها ولو حتى شاب مش بيقدورا يقعدوا كتير من غير تهبيب يعنى

ايزى ايزى
اللى بيتكسر مش بيتصلح والبايز بايز قليل جدا اللى بيتعدل

التهامى كتب:

اشكرك يادموع على المتابعه

بس الراى بتاعى ده مش رايى انا بس انا بيتهيقلى او بالتاكيد ان ده راى المجتمع الى احنا فيه
ثانيا كلام الناس مابيهمنيش بس انا بقول دى اقل حاجه ممكن تقابل الواحد لو نظر ليها

ثالثا وده الاهم

بجد يادموع الانسان التائب والراجع الى الله ده انسان ممتاز جدا ولكن المشكله الكبرى فى النقطه التانيه وهى الخطوبه دى سواء ان كان راجل او بنت

ففى الحالتين لو اهل العروسه ولا اهل العريس او العروسه نفسها او العريس نفسه وافقم

يبقى يتحملم بقى الى هيحصل من كده دا لو حصل اى حاجه
وياريت الى الزوج التانى بعد كده ميتريقش على الاولانى وانتو عارفين ايه الى بيحصل بين الازواج العاديه امال بقه لو كانوا ؟؟؟؟

Lovers كتب:

بسم الله الرحمن الرحيم
((إنك لا تهدى من أحببت ولكن الله يهدى من يشاء ))
الآيه دى ياجماعة رائعة بجد رائعة بس نفهمها من وجه آخر
أحنا لما نحب واحد بندعى ربنا أنه يهديه ويغفرله ويرحمه
طيب لو ربنا بقى اللى هداه
الآيه بتقولك أنك لا تهدى من أحببت ولكن الله هو الذى يهدى من يشاء
يعنى ربنا هدى واحد أو واحدة وخرجهم من الظلمات إلى النور واحنا مش عايزين نقبل توبتهم
أستغفر الله العظيم
طبعاً ده موضوع بعد التوضيح ده أظن أنه مفروغ منه أننا نقبلهم ونتعاون معاهم ونعينهم على الهدى والتقوى
كل آرائكم جميله وأعتقد مفيش بينها تعارض ما عدا الأخ جوبا كالعاده طبعاً
وهرجعلك ياجوبا فى آخر ردى
ده من كلام فوكس
(هل ستوافق عليه زوجا لها ؟؟....بصراحه هتكون صعبه شويه وخصوصا بالنسبه للفتاه لان اللى هيرتبط بيها اكيد من وقت للتانى مش هينسى ايام زمان مع انها عدت خلاص بس الشيطان هيصور له حجات كتير....ومن ناحيه تانيه ممكن مش يوافق بيها علشان كلام الناس...واكيد كلنا عارفين المجتماعات العربيه طبيعيتها ايه....عموما ربنا يهدى الجميع...وشكرا يا دموع على التوبك)
وهذا رأيى يحترم وردى عليه هوه هوه رد الأخت توتا
(وصدقينى يا دموع مدام هى توبتها صادقه اكيد ربنا هيرزقها بزوج يعنيها على لاستمرار فى هذه التوبه
ومن ترك شىء فى سبيل الله عوضه الله خيرا منها ومش معقول هى تسيب كل الى كانت بتعمله علشان تقرب من ربنا وربنا يخزلها اكيد ربنا هيعوضها كل خير)
يعنى من الأخر يافوكس أنت مش موافق ربنا سوف ييسر للتائب حاله بحد غيرك يوافق
الأخ جوبا اللى مغلب الكل (معلشى ربنا يهدينا ويهديه)
طبعاً ياجوبا سمعت قصة الباغية اليهودية التى دخلت الجنة عندما سقت كلبا
جوبا ياريت تشوف ردك وتقارن مع القصة دى
طبعاً رأيك يحترم وبراحتك مش عايز تخطبها ولا تتجوزها ده يرجعلك بس مش تكره الناس كلها فى الموضوع ده بأسلوبك ده
ويلا ياشباب سلام

شكرا لك lovers لردك الجميل

ونقاشك المفيد كلامك صح اكيد لو هى صادقة زى ما قلت الكل هيصدقها ويحبها

لازم تكون هى من جواها فعلا صادقة وعاوزة تتغير

وشكرا لك لردك على جوبا